മണികണ്ഠൻചാലിൽ  ഒഴുക്കിൽപ്പെട്ട് കാണാതായ ബിജുവിൻ്റെ മൃതദേഹം പൂയംകുട്ടി ബ്ലാവനയിൽ നിന്നും കണ്ടെടുത്തു.

പുഴയിൽ വീണ് കാണാതായ ബിജുവിൻ്റെ മൃതദേഹം കിട്ടി. ഇന്ന് രാവിലെ 8.30 ഓടെ നാട്ടുകാരാണ് ബ്ലാവന ഭാഗത്ത് മൃതദേഹം കണ്ടത്.

സ്വകാര്യ ബസ് ജീവനക്കാരനായിരുന്ന ബിജു കഴിഞ്ഞ ബുധനാഴ്ച രാവിലെ 6 മണിക്ക് ജോലിക്ക് പോകുന്നതിനിടെ, കനത്ത മഴയിൽ നിറഞ്ഞൊഴുകുകയായിരുന്ന മണികണ്ഠൻചാൽ ചപ്പാത്തിൽ നിന്ന് കാൽവഴുതി പുഴയിലേക്ക് വീഴുകയായിരുന്നു. പോലീസിൻ്റെ ഇൻക്വസ്റ്റ് നടപടികൾക്ക് ശേഷം മൃതദേഹം പോസ്റ്റ് മോർട്ടത്തിനായി കളമശ്ശേരി മെഡിക്കൽ കോളേജിലേക്ക് കൊണ്ടു പോകും.