പൈ​ങ്ങോ​ട്ടൂ​ർ അ​ണ​യും പാ​ർ​ശ്വ​ഭി​ത്തി​യും ഇ​ടി​ഞ്ഞു​വീ​ഴാ​വു​ന്ന അ​വ​സ്ഥ​യി​ൽ

പോ​ത്താ​നി​ക്കാ​ട്: പൈ​ങ്ങോ​ട്ടൂ​ർ കാ​വും​പാ​റ പി​ട്ടാ​പ്പി​ള്ളി​ക്ക​വ​ല റോ​ഡി​ലെ ദു​ർ​ബ​ല​മാ​യ അ​ണ​യും (ചെ​ക്ഡാം) പാ​ർ​ശ്വ​ഭി​ത്തി​യും ഏ​തു​നി​മി​ഷ​വും ഇ​ടി​ഞ്ഞു​വീ​ഴാ​വു​ന്ന അ​വ​സ്ഥ​യി​ൽ.

ആ​റു പ​തി​റ്റാ​ണ്ടു​ക​ൾ​ക്കു മു​ന്പ് പൈ​ങ്ങോ​ട്ടൂ​ർ തോ​ടി​നു കു​റു​കെ നി​ർ​മി​ച്ച ചെ​ക്ക് ഡാ​മാ​ണി​ത്. വേ​ന​ൽ​ക്കാ​ല​ത്ത് വെ​ള്ളം കെ​ട്ടി​നി​ർ​ത്തു​ന്ന​തി​നും, ഉ​പ​രി​ത​ല​ത്തി​ലൂ​ടെ എ​ല്ലാ സ​മ​യ​വും കാ​ൽ​ന​ട​യാ​ത്ര ചെ​യ്യു​ന്ന​തി​നു​ള്ള ന​ട​പ്പാ​ല​വു​മാ​യി​രു​ന്നു അ​ന്നു നി​ർ​മി​ച്ച​ത്.

40 വ​ർ​ഷം മു​ന്പ് ന​ട​പ്പാ​ലം വീ​തി കൂ​ട്ടി വ​ലി​യ വാ​ഹ​ന​ങ്ങ​ൾ​ക്കു കൂ​ടി ഗ​താ​ഗ​തം ന​ട​ത്തു​ന്ന​തി​നു​ള്ള സൗ​ക​ര്യ​മൊ​രു​ക്കി. അ​ന്ന് ത​ട്ടി​ക്കൂ​ട്ടി​യു​ണ്ടാ​ക്കി​യ പാ​ല​വും പാ​ർ​ശ്വ​ഭി​ത്തി​ക​ളും കാ​ല​പ്പ​ഴ​ക്കം കൊ​ണ്ട് അ​തീ​വ ദു​ർ​ബ​ല​മാ​യി മാ​റി.

ചെ​റു​തും വ​ലു​തു​മാ​യ നൂ​റു​ക​ണ​ക്കി​നു വാ​ഹ​ന​ങ്ങ​ളും അ​തി​ലേ​റെ കാ​ൽ​ന​ട​യാ​ത്ര​ക്കാ​രും ദി​വ​സേ​ന സ​ഞ്ച​രി​ക്കു​ന്ന പൈ​ങ്ങോ​ട്ടൂ​ർ പ​ഞ്ചാ​യ​ത്തി​ലെ ഏ​റ്റ​വും പ​ഴ​യ റോ​ഡാ​ണി​ത്.

പാ​ല​ത്തോ​ട് ബ​ന്ധി​ക്കു​ന്ന ഭാ​ഗ​ത്തെ പാ​ർ​ശ്വ​ഭി​ത്തി​യി​ൽ വ​ലി​യ ഗ​ർ​ത്ത​ങ്ങ​ൾ രൂ​പ​പ്പെ​ട്ട​തു​മൂ​ലം വ​ലി​യ വാ​ഹ​ന​ങ്ങ​ൾ പ​ല​തും ഏ​താ​നും നാ​ളു​ക​ളാ​യി ഇ​തു​വ​ഴി ഓ​ടു​ന്നി​ല്ല​ത്രേ. ഏ​തു​നേ​ര​ത്തും ഇ​ടി​ഞ്ഞു​വീ​ഴാ​വു​ന്ന അ​വ​സ്ഥ​യി​ലു​ള്ള പാ​ർ​ശ്വ​ഭി​ത്തി​ക​ളും ബ​ല​ക്ഷ​യം സം​ഭ​വി​ച്ച പാ​ല​വും എ​ത്ര​യും വേ​ഗം പു​ന​ർ​നി​ർ​മി​ച്ച് വ​ൻ​ദു​ര​ന്തം ഒ​ഴി​വാ​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.