മൂന്ന് പതിറ്റാണ്ടിന് ശേഷം കോതമംഗലം കെഎസ്ആർടിസി യൂണിറ്റിൽ നിന്നും പുതിയ ഇന്റർ സ്റ്റേറ്റ് സർവീസ് ആരംഭിച്ചു.

മൂന്ന് പതിറ്റാണ്ടിന് ശേഷം കോതമംഗലം കെഎസ്ആർടിസി യൂണിറ്റിൽ നിന്നും പുതിയ ഇന്റർ സ്റ്റേറ്റ് ബസ് സർവീസ് ആരംഭിച്ചു. ആദ്യ സർവ്വീസ് ആന്റണി ജോൺ എം എൽ എ ഫ്ലാഗ് ഓഫ് ചെയ്തു.

രാവിലെ 04.50ന് കോതമംഗലത്ത് നിന്ന് ആരംഭിക്കുന്ന സർവ്വീസ്, ആലുവയിൽ എത്തി തിരിച്ച് 6 മണിക്ക് കോതമംഗലം- ചെറുതോണി- കട്ടപ്പന- കമ്പംമെട്ട് വഴി കമ്പത്തിന് പോകും.
12.10 മണിക്ക് കമ്പത്തു നിന്നും ഇതേ വഴി തന്നെ എറണാകുളത്തിന് പോയി കോതമംഗലത്ത് അവസാനിക്കും.

ഈ സർവീസ് നവംബർ ആറു മുതൽ സ്ഥിരമായി ആയി ഉണ്ടാകും. 1993 ന് ശേഷം ആദ്യമായിട്ടാണ് കോതമംഗലത്ത് നിന്നും ഇന്റർ സ്റ്റേറ്റ് സർവീസ് ആരംഭിക്കുന്നത്