കോതമംഗലം: വേട്ടാംപാറയിലെ പടിപ്പാറയിൽ എച്ച്ഡിഎഫ്സി ബാങ്ക് പരിവർത്തൻ സമഗ്രഗ്രാമ വികസന പദ്ധതി മുഖാന്തരം എംഎസ് സ്വാമിനാഥൻ ഗവേഷണ നിലയം നടപ്പിലാക്കുന്ന ഹരിത കർഷക വിപണന കേന്ദ്രത്തിന്റെ ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് ജെസി സാജു നിർവഹിച്ചു.
പിണ്ടിമന പഞ്ചായത്ത് അംഗം പ്രിൻസ് ജോൺ അധ്യക്ഷത വഹിച്ചു. പഞ്ചായത്ത് പ്രസിഡന്റ് കെ.പി ജോർജ് മുഖ്യപ്രഭാഷണവും, വേട്ടാംപാറ സെന്റ് സെബാസ്റ്റ്യൻ പള്ളി വികാരി ഫാ. ജോഷി നിരപ്പേൽ അനുഗ്രഹപ്രഭാഷണവും നടത്തി.
എം.എസ്. സ്വാമിനാഥൻ ഗവേഷണ പ്രോജക്ട് കോർഡിനേറ്റർ സിജോ തോമസ്, ഗവേഷണ നിലയ മാനേജർ എം.കെ. ബിനീഷ് , കോട്ടപ്പടി പഞ്ചായത്ത് കോ-ഓഡിനേറ്റർ ജോസഫ് ആന്റണി, ഹരിത കർഷക വിപണന കേന്ദ്രം പ്രസിഡന്റ് ജോയ് പടയാട്ടിൽ, ഗ്രീൻ വിഷൻ കേരള സംസ്ഥാന വൈസ് പ്രസിഡന്റ് ജെയിംസ് കോറമ്പേൽ, ഗ്രീൻ വിഷൻ കേരള താലൂക്ക് പ്രസിഡന്റ് മാത്യൂസ് നിരവത് എന്നിവർ പ്രസംഗിച്ചു.
കവളങ്ങാട് ഫാർമേഴ്സ് പ്രൊഡ്യൂസേഴ്സ് കമ്പനി സിഇഒ സുനിൽ സിറിയക്, കേന്ദ്ര വിള ഇൻഷുറൻസ് പദ്ധതി കോർഡിനേറ്റർ വി.വി സന്തോഷ് കുമാർ , കോതമംഗലം രൂപത സോഷ്യൽ സർവീസ് കോഡിനേറ്റർ ജോസ് പോൾ എന്നിവർ വിവിധ വിഷയങ്ങളിൽ ക്ലാസുകൾ നയിച്ചു.
