“വന്യമൃഗങ്ങളെയും വനപാലകരെയും ഉപയോഗിച്ച് കുടിയിറക്ക് ശ്രമം” – മാത്യു കുഴൽനാടൻ എം.എൽ.എ

കോതമംഗലം : നാട്ടിലെങ്ങും നിശ്ബ്ദമായ കുടിയിറക്ക് ശ്രമം നടക്കുകയാണെന്നും ജീവഹാനി ഭയന്ന് നാട് വിട്ട് പോകേണ്ട അവസ്ഥയിലാണ് ജനങ്ങളെന്നും അഡ്വ : മാത്യു
കുടൽ നാടൻ എംഎൽഎ ആരോപിച്ചു. കുട്ടമ്പുഴയിൽ തുടർച്ചയായി ഉണ്ടാകുന്ന വന്യമൃഗ ശല്യത്തിനെതിരെ യുഡിഎഫ് കുട്ടമ്പുഴയിൽ സംഘടിപ്പിച്ച പ്രതിഷേധ സദസ്സ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

കഴിഞ്ഞനാളുകളിൽ കുട്ടമ്പുഴയിലും പരിസരപ്രദേശങ്ങളിലും വന്യമൃഗങ്ങളുടെ ശല്യം മൂലം നിരവധി ആളുകൾക്ക് പരിക്കേൽക്കുകയുംജീവഹാനി ഉണ്ടാവുകയും ചെയ്തു .ഇതിൽ ഒടുവിലത്തെതാണ് ഉരുളൻ തണ്ണിയിലെ നിർധനനായ എൽദോസിന്റെ ദാരുണമായ അന്ത്യം. സാധാരണക്കാരായ ജനങ്ങളുടെ ജീവനും സ്വത്തിനും സംരക്ഷണം നൽകാൻ സർക്കാർ തയ്യാറാകാത്തപക്ഷം കൂടുതൽ ശക്തമായ പ്രക്ഷോഭത്തിന് യു ഡി എഫ് തുടക്കം കുറിക്കുമെന്നും മാത്യു കുടൽനാടൻ എംഎൽഎ പറഞ്ഞു. എൽദോസിന്റെ കുടുംബത്തിന് സർക്കാരും ഉദ്യോഗസ്ഥരും പറഞ്ഞിട്ടുള്ള നഷ്ടപരിഹാരവും കുടുംബത്തിന് താങ്ങായി കുടുംബാംഗത്തിന് ജോലി നൽകുവാനും തയ്യാറാകണമെന്നും അദ്ദേഹം ആവശ്യപ്പെട്ടു.

വന്യമൃഗ ശല്യത്തിന് ശാശ്വത പരിഹാരം കാണണമെന്നും ബംഗ്ലാവ് കടവ് മണികണ്ഠൻ ചാൽ, ബ്ലാവന, ,ഇഞ്ചത്തൊട്ടി , പാലങ്ങൾ നിർമ്മിക്കണമെന്നും ജനങ്ങൾ നട്ടുവളർത്തിയ തേക്കടക്കമുള്ള മരങ്ങൾ വെട്ടി ഉപയോഗിക്കുന്നതിന് കർഷകരെ അനുവദിക്കണമെന്നും ജനവാസ മേഖലയെ ഒഴിവാക്കി സീറോ ബഫർസോൺ പ്രഖ്യാപിക്കണമെന്നും യോഗം ആവശ്യപ്പെട്ടു.

ജെയിംസ് കോറമ്പേൽ അധ്യക്ഷത വഹിച്ച യോഗത്തിൽ ഡിസിസി പ്രസിഡൻറ് മുഹമ്മദ് ഷിയാസ്, യുഡിഎഫ് ജില്ലാ കൺവീനർ ഷിബു തെക്കുംപുറം , ജില്ലാ പഞ്ചായത്ത് പ്രസിഡൻറ് മനോജ് മൂത്തേടൻ , കോൺഗ്രസ് ബ്ലോക്ക് പ്രസിഡണ്ട് മാരായ ബാബു ഏലിയാസ്, ഷമീർ പനക്കൽ യുഡിഎഫ് നേതാക്കളായഎബി എബ്രഹാം ,എം എസ് എൽദോസ് കെ പി ബാബു ,എ ജി ജോർജ് എ സി രാജശേഖരൻ , ജോഷി പൊട്ടക്കൽ കാന്തി വെള്ളക്കയ്യൻ , പി കെ ചന്ദ്രശേഖരൻ നായർ , മാമച്ചൻ ജോസഫ് ബീന റോജോ ,റാണിക്കുട്ടി ജോർജ് , സൈജൻ്റ് ചാക്കോ എന്നിവർ യോഗത്തിൽ സംസാരിച്ചു