പു​തി​യ എ​റ​ണാ​കു​ളം മാ​ര്‍​ക്ക​റ്റ് ഉ​ദ്ഘാ​ട​നം 14ന്. അ​ഞ്ച് നി​ല​ക​ളി​ലാ​യി 275 ഷോ​പ്പു​ക​ൾ

കൊ​ച്ചി: എ​റ​ണാ​കു​ളം മാ​ര്‍​ക്ക​റ്റി​നു​ള്ളി​ല്‍ നി​ര്‍​മാ​ണം പൂ​ര്‍​ത്തി​യാ​യ പു​തി​യ മാ​ര്‍​ക്ക​റ്റ് സ​മു​ച്ച​യം ഈ മാസം 14ന് ​തു​റ​ക്കും. രാ​വി​ലെ 10 ന് ​ന​ട​ക്കു​ന്ന ച​ട​ങ്ങി​ല്‍ മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍ പു​തി​യ മാ​ര്‍​ക്ക​റ്റ് സ​മു​ച്ച​യ​ത്തി​ന്‍റെ ഉ​ദ്ഘാ​ട​നം നി​ര്‍​വ​ഹി​ക്കും. സ്മാ​ര്‍​ട്ട് സി​റ്റി മി​ഷ​ന്‍ ഫ​ണ്ട് ഉ​പ​യോ​ഗി​ച്ച് 72.69 കോ​ടി രൂ​പ ചെ​ല​വി​ല്‍ 1.63 ഏ​ക്ക​ര്‍ സ്ഥ​ല​ത്താ​ണ് അ​ത്യാ​ധു​നി​ക നി​ല​വാ​ര​ത്തി​ല്‍ എ​റ​ണാ​കു​ളം മാ​ര്‍​ക്ക​റ്റ് കോം​പ്ല​ക്‌​സ് നി​ര്‍​മാ​ണം പൂ​ര്‍​ത്തി​യാ​യി​രി​ക്കു​ന്ന​ത്.

കൊ​ച്ചി കോ​ര്‍​പ​റേ​ഷ​നു​വേ​ണ്ടി കൊ​ച്ചി സ്മാ​ര്‍​ട്ട് സി​റ്റി മി​ഷ​ന്‍ ലി​മി​റ്റ​ഡാ​ണ് മാ​ര്‍​ക്ക​റ്റ് കെ​ട്ടി​ട നി​ര്‍​മാ​ണം പൂ​ര്‍​ത്തീ​ക​രി​ച്ച​ത്. 19,990 ച​തു​ര​ശ്ര​മീ​റ്റ​ര്‍ വി​സ്തീ​ര്‍​ണ​ത്തി​ല്‍ ബേ​സ്‌​മെ​ന്‍റ് ഉ​ള്‍​പ്പെ​ടെ അ​ഞ്ച് നി​ല​ക​ളി​ലാ​യി ആ​കെ 275 ഷോ​പ്പു​ക​ള്‍ മാ​ര്‍​ക്ക​റ്റ് കോം​പ്ല​ക്‌​സി​ല്‍ ഉ​ണ്ടാ​കും. ഇ​തി​ല്‍ 130 എ​ണ്ണം പ​ച്ച​ക്ക​റി ഷോ​പ്പു​ക​ളും 52 എ​ണ്ണം സ്‌​റ്റേ​ഷ​ന​റി ക​ട​ക​ളും 28 എ​ണ്ണം മ​ത്സ്യ, മാം​സ ഷോ​പ്പു​ക​ളു​മാ​ണ്.

നേ​ന്ത്ര​ക്കാ​യ ഉ​ള്‍​പ്പെ​ടെ​യു​ള്ള​വ​യു​ടെ ക​ച്ച​വ​ട​ത്തി​നാ​യി 34 ഷോ​പ്പു​ക​ള്‍, ഏ​ഴ് പ​ഴ​ക്ക​ട​ക​ള്‍, മു​ട്ട വി​ല്‍​പ്പ​ന​യ്ക്കാ​യി മൂ​ന്ന് ഷോ​പ്പു​ക​ള്‍ എ​ന്നി​വ​യും പു​തി​യ മാ​ര്‍​ക്ക​റ്റ് കോം​പ്ല​ക്‌​സി​ല്‍ ഉ​ണ്ട്. ഗ്രൗ​ണ്ട് ഫ്‌​ളോ​റി​ല്‍ മാ​ത്രം 183 ഷോ​പ്പു​ക​ള്‍ ഉ​ണ്ടാ​കും. ഭാ​വി​യി​ല്‍ ആ​വ​ശ്യ​മെ​ങ്കി​ല്‍ ര​ണ്ടും മൂ​ന്നും നി​ല​ക​ളി​ല്‍ കൂ​ടു​ത​ല്‍ ഷോ​പ്പു​ക​ള്‍ നി​ര്‍​മി​ക്കാ​ന്‍ സാ​ധി​ക്കും. ഇ​തി​നു പു​റ​മെ ഏ​റ്റ​വും മു​ക​ളി​ല​ത്തെ നി​ല​യി​ല്‍ ഫു​ഡ് കോ​ര്‍​ട്ടി​നു​ള്ള സൗ​ക​ര്യ​വും ഒ​രു​ക്കി​യി​ട്ടു​ണ്ട്.

ഒ​ന്നാം​നി​ല​യി​ല്‍ ലോ​ഡിം​ഗ്, അ​ണ്‍​ലോ​ഡിം​ഗ് ഏ​രി​യ​യു​ണ്ട്. താ​ഴ​ത്തെ​നി​ല​യി​ല്‍​നി​ന്ന് ഒ​ന്നാം​നി​ല​യി​ലേ​ക്ക് റാം​പി​ലൂ​ടെ വാ​ഹ​നം ക​യ​റ്റാം. പ​ച്ച​ക്ക​റി​ക​ള്‍, പ​ഴ​വ​ര്‍​ഗ​ങ്ങ​ള്‍, മു​ട്ട തു​ട​ങ്ങി​യ സ്റ്റാ​ളു​ക​ള്‍, സ്‌​റ്റേ​ഷ​ന​റി, ക​യ​ര്‍, കൊ​ട്ട, ഭ​ക്ഷ്യ​വ​സ്തു​ക്ക​ള്‍ എ​ന്നി​വ​യു​ടെ വി​ല്‍​പ്പ​ന​യ്ക്കു​ള്ള സ്റ്റാ​ളു​ക​ളും ഇ​വി​ടെ​യു​ണ്ടാ​കും. ര​ണ്ടാ​മ​ത്തെ​യും മൂ​ന്നാ​മ​ത്തെ​യും നി​ല​ക​ള്‍ തു​റ​ന്ന നി​ല​യാ​കും. ഇ​ത് പൂ​ര്‍​ണ​മാ​യും വാ​ണി​ജ്യ ഇ​ട​മാ​യി ഉ​പ​യോ​ഗി​ക്കാ​നാ​കും. ഭൂ​മി​ക്ക​ടി​യി​ലു​ള്ള നി​ല​യി​ലാ​ണ് വാ​ഹ​ന പാ​ര്‍​ക്കിം​ഗി​നു​ള്ള സ്ഥ​ലം.

കെ​ട്ടി​ട​ത്തി​ലേ​ക്കു​ള്ള വൈ​ദ്യു​തി​ക്കാ​യി 40 കി​ലോ​വാ​ട്ട് ശേ​ഷി​യു​ള്ള സോ​ളാ​ര്‍ പാ​ന​ലു​ക​ള്‍ ടെ​റ​സി​ല്‍ സ​ജ്ജീ​ക​രി​ച്ചി​ട്ടു​ണ്ട്. എ​ല്ലാ ഷോ​പ്പു​ക​ളി​ലും സ്മാ​ര്‍​ട്ട് മീ​റ്റ​റു​ക​ള്‍ ന​ല്‍​കി​യി​ട്ടു​ണ്ട്. മു​ഴു​വ​ന്‍ സ​മ​യ​വും വൈ​ദ്യു​തി ല​ഭ്യ​മാ​ക്കു​ന്ന​തി​നാ​യി ജ​ന​റേ​റ്റ​റു​ക​ളും ഉ​ണ്ട്. മാ​ലി​ന്യം സം​സ്‌​ക​രി​ക്കാ​ന്‍ ഓ​ര്‍​ഗാ​നി​ക് വേ​സ്റ്റ് കം​പോ​സ്റ്റ​ര്‍ പ്ലാ​ന്‍റു​മു​ണ്ട്. മാ​ര്‍​ക്ക​റ്റി​ല്‍ ദി​നം​പ്ര​തി​യു​ണ്ടാ​കു​ന്ന മാ​ലി​ന്യ​ങ്ങ​ളി​ല്‍ ഒ​രു ട​ണ്‍ ഇ​വി​ടെ സം​സ്‌​ക​രി​ക്കും. ശേ​ഷി​ക്കു​ന്ന മാ​ലി​ന്യം കോ​ര്‍​പ്പ​റേ​ഷ​ന് ന​ല്‍​കി​യ 15 കോം​പാ​ക്റ്റ​റു​ക​ള്‍ ഉ​പ​യോ​ഗി​ച്ച് ബ്ര​ഹ്മ​പു​ര​ത്തേ​ക്ക് കൊ​ണ്ടു​പോ​കും.

നൂ​റ്റാ​ണ്ട് പ​ഴ​ക്ക​മു​ള്ള പ​ഴ​യ മാ​ര്‍​ക്ക​റ്റ് പൊ​ളി​ച്ചു​നീ​ക്കി 2022 ജൂ​ണി​ലാ​ണ് പു​തി​യ മാ​ര്‍​ക്ക​റ്റ് കെ​ട്ടി​ട നി​ര്‍​മാ​ണം ആ​രം​ഭി​ച്ച​ത്. ക​രാ​ര്‍ പ്ര​കാ​രം 2024 ജൂ​ണി​ല്‍ നി​ര്‍​മാ​ണം പൂ​ര്‍​ത്തീ​ക​രി​ക്കേ​ണ്ട​താ​യി​രു​ന്നു. അ​ഞ്ച​ര​ക്കോ​ടി രൂ​പ ചെ​ല​വി​ല്‍ പ​ഴ​യ മാ​ര്‍​ക്ക​റ്റി​ലെ ക​ച്ച​വ​ട​ക്കാ​രെ തൊ​ട്ട​ടു​ത്തു​ത​ന്നെ താ​ത്കാ​ലി​ക​മാ​യി പു​ന​ര​ധി​വ​സി​പ്പി​ച്ചാ​യി​രു​ന്നു നി​ര്‍​മാ​ണം.