കേരള സ്റ്റാര്ട്ടപ്പ് മിഷന് സംഘടിപ്പിച്ച സംസ്ഥാനതല ‘പ്രോട്ടോത്തോണ്’ മത്സരത്തില് വിജയിച്ച് ഒരു ലക്ഷം രൂപയുടെ സീഡ് ഫണ്ട് കരസ്ഥമാക്കി മൂവാറ്റുപുഴ നിര്മല കോളജ് വിദ്യാര്ഥികള്.
കെമിസ്ട്രി വിദ്യാര്ഥികളായ ആരതി ഭദ്രന്, ആന്റോ ജോസഫ്, എസ്. അനിരുദ്ധന് എന്നിവരാണ് വിജയികള്. വിദ്യാര്ഥികളില് സംരംഭകത്വ മനോഭാവം വളര്ത്തുകയും നവ ആശയങ്ങളെ പ്രായോഗികമായി രൂപപ്പെടുത്തുന്നതിനും പിന്തുണ നല്കുകയും ചെയ്യുന്നതിനായി കേരള സ്റ്റാര്ട്ടപ്പ് മിഷന് നടപ്പാക്കിയ സംരംഭകത്വ പ്രോത്സാഹന പദ്ധതിയുടെ ഭാഗമായാണ് പരിപാടി സംഘടിപ്പിച്ചത്.
കേരള ഡെവലപ്മെന്റ് ആൻഡ് ഇന്നൊവേഷന് സ്ട്രാറ്റജി കൗണ്സില് സംഘടിപ്പിച്ച സംസ്ഥാനതല യംഗ് ഇന്നൊവേറ്റേഴ്സ് പ്രോഗ്രാമിലും ഇതേ ടീം അംഗങ്ങള് നേരത്തെ വിജയികളായിരുന്നു. നേട്ടം കൈവരിച്ച വിദ്യാര്ഥികളെ കോളജ് പ്രിന്സിപ്പല് റവ. ഡോ. ജസ്റ്റിന് കെ. കുര്യാക്കോസ് അഭിനന്ദിച്ചു.
സംരംഭകത്വം പ്രോത്സാഹിപ്പിക്കുന്നതിനായി കോളജില് നടത്തിയ വിവിധ പ്രവര്ത്തനങ്ങളും കോളജിലെ അധ്യാപകരുടെ അകമഴിഞ്ഞ പിന്തുണയാണ് ഈ നേട്ടത്തിന് തങ്ങളെ അര്ഹമാക്കിയതെന്ന് ടീം ലീഡര് എസ്. അനിരുദ്ധന് പറഞ്ഞു.
