മുട്ടം: റബർഷീറ്റ് മോഷ്ടിച്ച കേസിലെ പ്രതിയ്ക്ക് രണ്ടു വർഷം തടവ്. കുടയത്തൂർ കാണ്ടാവനം റബേഴ്സിൽ നിന്നും 493 കിലോ റബർ മോഷ്ടിച്ച കേസിൽ നെടുമങ്ങാട് തെന്നത്തൂർ പ്രബിൻ രാജാമണി (25) നെയാണ് തൊടുപുഴ ചീഫ് ജുഡീഷൽ മജിസ്ട്രേറ്റ് സിന്ദു തങ്കം ശിക്ഷിച്ചത്.
2024 ഒക്ടോബർ 18നാണ് കേസിനാസ്പദമായ സംഭവം നടന്നത്. പുലർച്ചെ ഒന്നിന് കട കുത്തിത്തുറന്ന് റബർഷീറ്റ് മോഷ്ടിക്കുകയായിരുന്നു. പിന്നീട് ഇത് കൊല്ലത്ത് കൊണ്ടുപോയി വിൽപ്പന നടത്തി. കാഞ്ഞാർ പോലീസ് നടത്തിയ അന്വേഷണത്തിൽ പ്രതിയെ പിടികൂടുകയായിരുന്നു.
കാഞ്ഞാർ എസ്ഐ ബൈജു പി. ബാബുവാണ് കേസ് അന്വേഷണം നടത്തിയത്. സിനിമാ നടി അനുശ്രീയുടെ കാർ മോഷ്ടിച്ചതുൾപ്പെടെ നിരവധി കേസുകളിൽ പ്രതിയാണിയാൾ.
