തൃശൂർ: ആളൂര് താഴേക്കാടുള്ള ബാറിലെ ജീവനക്കാരനെ ആക്രമിച്ചു പരിക്കേല്പ്പിച്ച കേസില് സ്റ്റേഷന് റൗഡി റിമാൻഡില്. കണ്ണിക്കര സ്വദേശി തോട്ടത്തില് വീട്ടില് അരുണ്(31) ആണ് അറസ്റ്റിലായത്.
ബാറില് മദ്യപിച്ചശേഷം ബില് അടയ്ക്കാതെ വീണ്ടും മദ്യം ആവശ്യപ്പെട്ടപ്പോൾ ജീവനക്കാരന് മദ്യം നിഷേധിച്ചതിനെത്തുടര്ന്ന് പ്രകോപിതനായ പ്രതി ബാറില് മദ്യപിക്കാനെത്തിയവരെ തടയുകയും ഗ്ലാസുകൊണ്ട് ഗ്രാനൈറ്റ് കൗണ്ടർ ഇടിച്ചുതകര്ക്കാന് ശ്രമിക്കുകയും ചെയ്തു. ഇത് തടയാനെത്തിയ ഇരിങ്ങാലക്കുട സ്വദേശി കൂനന്വീട്ടില് വര്ഗീസ്(56) എന്ന ബാര് ജീവനക്കാരനെ പ്രതി മൂക്കിനിടിച്ചും മറ്റും പരിക്കേല്പ്പിക്കുകയായിരുന്നു.
രാസലഹരികളായ എംഡിഎംഎ വില്പ്പനയ്ക്കും ഉപയോഗത്തിനുമായി കൈവശംവച്ച കേസുകള്, കഞ്ചാവ് വില്പ്പനയുമായി ബന്ധപ്പെട്ട കേസ്, മനുഷ്യജീവന് അപകടം വരുത്തുന്ന പ്രവൃത്തിചെയ്ത അഞ്ചു കേസുകള് എന്നിവ ഉള്പ്പെടെ ഏഴ് ക്രിമിനല് കേസുകള് ഇയാൾക്കെതിരേ നിലവിലുണ്ട്.
