മൂവാറ്റുപുഴ: കാര് നിയന്ത്രണം നഷ്ടപ്പെട്ട് വൈദ്യുത പോസ്റ്റിലും മതിലിലും ഇടിച്ചു മറിഞ്ഞു. യാത്രക്കാർക്ക് നിസാര പരിക്കേറ്റു. ഫോര്ട്ടുകൊച്ചി സ്വദേശികളായ മൂന്നംഗ സംഘം സഞ്ചരിച്ച കാറാണ് അപകടത്തില്പ്പെട്ടത്. ഇന്നലെ ഉച്ചകഴിഞ്ഞ് 2.30ന് കടാതി പള്ളിക്ക് സമീപമായിരുന്നു അപകടം.
മൂവാറ്റുപുഴ ഭാഗത്ത് നിന്ന് കോലഞ്ചേരി ഭാഗത്തേക്ക് പോവുകയായിരുന്ന കാര് നിയന്ത്രണം നഷ്ടപ്പെട്ട് റോഡരികിലെ മതിലിലും, വൈദ്യുത വിളക്കിന്റെ തൂണിലുമിടിച്ച് മറയുകയായിരുന്നു. വാഹനത്തിനുള്ളില് കുടുങ്ങിയ യാത്രികരെ നാട്ടുകാരെത്തിയാണ് പുറത്തിറക്കിയത്.
അപകടത്തെ തുടര്ന്ന് മൂവാറ്റുപുഴ കോലഞ്ചേരി റോഡില് ഗതാഗതം തടസപ്പെട്ടു. വാഹനം റോഡില് നിന്നു മാറ്റിയ ശേഷമാണ് ഗതാഗതം പുനഃസ്ഥാപിച്ചത്. മൂവാറ്റുപുഴ പോലീസ് സ്ഥലത്തെത്തി മേല്നടപടികള് സ്വീകരിച്ചു.
