കോതമംഗലം: ഭൂതത്താന്കെട്ട് ഡാമിന്റെ 15 ഷട്ടറുകളിൽ എട്ടാമത്തെ ഷട്ടര് തകർന്നുവീണു. ചെയിന് പൊട്ടിയതിനെ തുടർന്ന് കൗണ്ടര് വെയ്റ്റ് താഴേക്ക് പതിക്കുകയായിരുന്നു. ഷട്ടര് ഉയര്ത്തുന്നതിനും താഴ്ത്തുന്നതിനും അനിവാര്യമായ ഘടകമാണ് കൗണ്ടര് വെയിറ്റ്. നിലവിൽ ഷട്ടര് അടഞ്ഞുകിടക്കുകയാണ്. കൗണ്ടര് വെയിറ്റ് പുനസ്ഥാപിക്കാതെ ഷട്ടര് ഇനി ഉയർത്താനാകില്ല.
വര്ഷങ്ങള്ക്ക് മുമ്പ് മറ്റൊരു ഷട്ടര് സമാനരീതിയില് തകര്ന്നിരുന്നു. ഏറെ നാളുകൾക്കു ശേഷമാണ് ഇത് പുനസ്ഥാപിച്ചത്. പത്ത് വര്ഷം മുമ്പ് ഡാമിന്റെ മുഴുവന് ഷട്ടറുകളുടെയും അറ്റകുറ്റപ്പണികള് നടത്തി ബലപ്പെടുത്തിയതാണ്. തുടർന്ന് പരിപാലനത്തിലുണ്ടായ വീഴ്ചയാകാം ഇപ്പോള് ചെയിന്പൊട്ടാന് കാരണമെന്ന് സംശയിക്കുന്നു.
