ജോലിക്ക് പോകുംവഴി സ്കൂട്ടറിൽ കണ്ടെയ്നർ ലോറിയിടിച്ച് കാക്കനാട് ഇൻഫോ പാർക്ക് (യുഎസ്ടി) ജീവനക്കാരിയായ യുവതിക്ക് ദാരുണാന്ത്യം. തിങ്കളാഴ്ച വൈകുന്നേരം നാലോടെ വരാപ്പുഴ പാലത്തിലായിരുന്നു അപകടം. ചെറായി പുതുശേരി ബെന്നി ജോണിന്റെ മകൾ മെറിൻ ബെന്നി (25) യാണു മരിച്ചത്.
കർണാടക രജിസ്ട്രേഷനിലുള്ള കണ്ടെയ്നർ ലോറി മെറിൻ സഞ്ചരിച്ചിരുന്ന സ്കൂട്ടറിൽ ഇടിക്കുകയായിരുന്നു. കണ്ടെയ്നറിന്റെ അടിയിൽപ്പെട്ട മെറിനെയും വാഹനത്തെയും ലോറി കുറച്ചുദൂരം വലിച്ചിഴച്ചു കൊണ്ടുപോയി.
ഗുരുതരാവസ്ഥയിൽ ആസ്റ്റർ മെഡ്സിറ്റിയിലെത്തിച്ചെങ്കിലും ആന്തരാവയവത്തിലെ രക്തസ്രാവത്തെത്തുടർന്ന് രാത്രി ഒമ്പതോടെ മരിച്ചു.
