ഹാൻഡ് ബാഗേജിൽ നിരോധനമുള്ള വസ്തുക്കൾ ഏതൊക്കെയെന്ന് അറിഞ്ഞിരിക്കണം

ദുബായിൽ നിന്ന് യാത്ര ചെയ്യുന്നവർക്ക് ഹാൻഡ് ബാഗേജിൽ നിരോധനമുള്ള വസ്തുക്കൾ: ചുറ്റിക, ആണി, സ്ക്രൂഡ്രൈവർ, മുനയുള്ള വസ്തുക്കൾ, 6 സെന്റി മീറ്ററിൽ അധികം നീളമുള്ള ബ്ലേഡുകളോടു കൂടിയ കത്രിക, വാൾ, കൈവിലങ്ങ്, തോക്ക്, വോക്കി ടോക്കി, ലേസർ ഗൺ, ലൈറ്റർ, ബാറ്റ്, മാർഷൽ ആർട്സിലെ ആയുധങ്ങൾ, പാക്കിങ് ടേപ്പ്.

നിയന്ത്രണമുള്ള വസ്തുക്കൾ: ദ്രാവകങ്ങൾ. പരമാവധി 100 മില്ലി ലീറ്ററാണ് അനുവദിച്ചിരിക്കുന്നത്. 10 കണ്ടെയ്‌നർ വരെ ബാഗിൽ കരുതാം, എല്ലാം കൂടി ഒരു ലീറ്ററിൽ അധികമാകരുത്. മരുന്നുണ്ടെങ്കിൽ ഡോക്ടറുടെ കുറിപ്പടി വേണം. ശരീരത്തിൽ ഇരുമ്പിന്റെ ഉപകരണമുണ്ടെങ്കിൽ മെഡിക്കൽ സർട്ടിഫിക്കറ്റ് ഹാജരാക്കണം.

ഷാർജ വിമാനത്താവളത്തിൽ നിരോധനമുള്ള വസ്തുക്കൾ: ബാറ്റുകൾ, ലൈറ്ററുകൾ, അപകടകരമായ രാസ വസ്തുക്കൾ, തോക്ക്, കത്തികൾ, റേഡിയോ ആക്‌ടീവ് വസ്‌തുക്കൾ, പടക്കങ്ങൾ, കൂർത്ത അഗ്രത്തോട് കൂടിയ വസ്തുക്കൾ, വാൾ, കത്രിക, ലേസർ ഗൺ തുടങ്ങിയവ. നിയന്ത്രണമുള്ളവ: വെള്ളം 100 മില്ലി ലീറ്റർ. പെർഫ്യൂമുകൾക്കും ഇത് ബാധകം. ഭക്ഷണവും മരുന്നും രണ്ടായി പാക്ക് ചെയ്യണം. മരുന്നിനു കുറിപ്പടി വേണം.