മൂവാറ്റുപുഴയിൽ പായിപ്ര പഞ്ചായത്ത് നാലാം വാര്ഡില് പ്രവര്ത്തിക്കുന്ന പ്ലൈവുഡ് കമ്പനിയില് നിന്നുള്ള രൂക്ഷമായ പുകശല്യം മൂലം ദുരിതത്തിലായ കുടുംബം പ്രതിഷേധവുമായി രംഗത്ത്.
പ്ലൈവുഡ് കമ്പനി ആരംഭിക്കാന് പഞ്ചായത്ത് അധികൃതര് അനധികൃതമായി നിര്മാണ അനുമതി നല്കിയതില് പ്രതിഷേധിച്ചാണ് പ്ലൈവുഡ് കമ്പനിക്ക് സമീപം താമസിക്കുന്ന തേക്കുംകാട്ടില് വേലായുധനും, ഭാര്യയും, ഭിന്നശേഷിക്കാരനായ മകനുമടങ്ങുന്ന കുടുംബം ഇന്നലെ രാവിലെ മുതല് പായിപ്ര പഞ്ചായത്ത് കാര്യാലയത്തിന് മുന്നില് സത്യാഗ്രഹ സമരം ആരംഭിച്ചത്.
കളക്ടര്ക്കുള്പ്പെടെ പരാതി നല്കിയതിനെ തുടര്ന്ന് അന്വേഷണം നടത്തിയെങ്കിലും പിന്നീട് യാതൊരു നടപടിയും സ്വീകരിച്ചില്ലെന്നും ആരോപിച്ചു. അഞ്ച് സെന്റ് സ്ഥലവും, വീടും വാങ്ങി നല്കാമെന്ന് കമ്പനി ഉടമ പറഞ്ഞിരുന്നെങ്കിലും നടപടിയായില്ലെന്ന് വേലായുധന് പറയുന്നു. പ്രശ്ന പരിഹാരമാകുന്നതുവരെ പഞ്ചയാത്തിന്റെ പ്രവര്ത്തന സമയങ്ങളില് ഓഫീസിനു മുന്നില് സമരം തുടരാനാണ് കുടുംബത്തിന്റെ തീരുമാനം.
