കോട്ടപ്പടി വാവേലിയിൽ ജനവാസ മേഖലയിൽ കാട്ടാനയിറങ്ങി മതിലും കൃഷിയിടങ്ങളും തകർത്തു. വാവേലി കൊറ്റാലിൽ ചെറിയാന്റെ പുരയിടത്തിലെ മതിലും ഗേറ്റുമാണ് ആദ്യം തകർത്തത്.

ഇന്നലെ പുലർച്ചെ നാലിന് വീണ്ടും ഇറങ്ങിയ ആന സമീപത്തെ മറ്റൊരു പുരയിടത്തിലെ കമുകും മതിലും നശിപ്പിച്ചു. കഴിഞ്ഞ ദിവസം ഇവിടെ ആന പകലും എത്തിയിരുന്നു.

രാത്രിയും പുലർച്ചെയും ആനകൾ റോഡിലിറങ്ങുന്നതു കൊണ്ട് പേടിമൂലം ജോലിക്കു പോകാൻ കഴിയാത്ത അവസ്ഥയാണെന്ന് പ്രദേശവാസികൾ പറഞ്ഞു.



