‘കേരളം മുഴുവൻ ഒന്നിച്ച് ചേരുന്ന ആഘോഷമാണ് ഓണം, ക്ഷാമബത്ത, കുടിശിക അടക്കം എല്ലാം കൊടുത്തു, അതിന്റെ സന്തോഷമുണ്ട്’; മുഖ്യമന്ത്രി 

ഡൽഹി: കേരളം മുഴുവൻ ഒരുമിച്ച് ചേരുന്ന ആഘോഷമാണ് ഓണമെന്ന് മുഖ്യമന്ത്രി വി ഡി സതീശൻ. ഓണം സർക്കാരിന് സാധാരണ വെല്ലുവിളിയുടെ സമയമാണ്. വിലക്കയറ്റം ഉണ്ടാവാതെ നോക്കണം. സപ്ലൈകോ, ഓണചന്ത ഇവയെല്ലാം നന്നായി പോകുന്നു. ക്ഷാമബത്ത, കുടിശിക അടക്കം എല്ലാം കൊടുത്തു. അതിന്റെ സന്തോഷമുണ്ടെന്നും മുഖ്യമന്ത്രി വ്യക്തമാക്കി. ഡൽഹി കേരള ഹൗസിലെ ഓണാഘോഷം ഉദ്ഘാടനം ചെയ്‌തു സംസാരിക്കുകയായിരുന്നു മുഖ്യമന്ത്രി.

തനിക്ക് ഇത്തവണ തൂഫാൻ ഓണം ആയിരുന്നുവെന്ന് ആഭ്യന്തര മന്ത്രി രമേശ് ചെന്നിത്തല പറഞ്ഞു. അങ്ങനെ ആഘോഷിക്കാനാണ് തീരുമാനം. താനടക്കമുള്ളവർ ഓണാട്ടുകരക്കാരാണ്. മറ്റുള്ളവരെ ഓണം ഊട്ടാൻ ശ്രമിക്കുന്നവരെന്നും ചെന്നിത്തല വ്യക്തമാക്കി. ഓണം മറ്റുള്ളവരെ കേരളത്തിലേക്ക് എത്തിക്കാനുള്ള ഒരു മാർഗം കൂടിയാകട്ടെയെന്ന് വി മുരളീധരൻ എംഎൽഎ പറഞ്ഞു. ഓണാഘോഷം വിപുലമായി ആഘോഷിക്കാൻ തീരുമാനിച്ച മുഖ്യമന്ത്രിക്കും കേരള ഹൗസിനും അദ്ദേഹം നന്ദി അറിയിച്ചു.