ആലുവ ദേശീയപാതയിലെ പറവൂർ കവലയിൽ ടോറസ് തട്ടി സെക്യൂരിറ്റി ജീവനക്കാരൻ മരിച്ചു. കരുമാല്ലൂർ തട്ടാംപടിയിൽ താമസിക്കുന്ന എറണാകുളം കെഎസ്ആർടിസി ബസ് സ്റ്റാൻഡിന് സമീപം വട്ടത്തറ വീട്ടിൽ വി.പി. സുനിൽ (56) ആണ് മരിച്ചത്.ബുധനാഴ്ച വൈകിട്ട് 6.30 നായിരുന്നു അപകടം.

ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മണപ്പുറം ജിസിഡിഎ റോഡിൽ ഫെഡറൽ വില്ലയിലെ സെക്യൂരിറ്റി ജീവനക്കാരനായിരുന്ന സുനിൽ ജോലി സ്ഥലത്തേക്ക് പോകുന്നതിനിടെ പറവൂർകവലയിൽ സിഗ്നൽ മറികടക്കുമ്പോൾ പിന്നിൽ നിന്നും വന്ന ടോറസ് തട്ടി വീഴുകയായിരുന്നു.

ജില്ലാ ആശുപത്രിയിൽ പോസ്റ്റ്മോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുകൊടുത്തു.



