അങ്കമാലി മീന് വിലാസം ഹോട്ടലിലാണ് സംഭവം
അങ്കമാലി : എറണാകുളം അങ്കമാലി മീന് വിലാസം ഹോട്ടലിൽ കറിക്ക് ഉപ്പില്ലാത്തതിന്റെ പേരിൽ ഹോട്ടല് ജീവനക്കാരന് ഉടമയുടെ മര്ദനം ഇന്നലെ വൈകീട്ടാണ് സംഭവമുണ്ടായത്. മീന് വിലാസം ഹോട്ടലിലെ ഷെഫ് റിയാസിനാണ് ഹോട്ടല് ഉടമകളില് ഒരാളായ മുഹമ്മദ് ഉബൈസിൽ നിന്ന് മര്ദനമേറ്റത്.
കൈയ്ക്ക് വെട്ടി പരുക്കേല്പ്പിക്കുകയും മര്ദിക്കുകയുമായിരുന്നു. സ്വന്തം ഹോട്ടലിലെത്തി ഫിഷ് ഫ്രൈ ഓര്ഡര് ചെയ്തപ്പോള് അതിന് രുചിയില്ലെന്നും ഉപ്പുപോരെന്നും പറഞ്ഞുകൊണ്ടായിരുന്നു മര്ദനം. ഫ്രീസര് കേടായിരുന്നത് കൊണ്ടാണ് മീനിന് രുചികുറവെന്ന് ജീവനക്കാരന് പറഞ്ഞെങ്കിലും അത് ചെവിക്കൊള്ളാതെ ഉടമ മര്ദിക്കുകയായിരുന്നു. വലിയ തര്ക്കം സംഘര്ഷത്തില് കലാശിക്കുകയായിരുന്നു. അങ്കമാലി പൊലീസ് കേസെടുത്ത് അന്വേഷണം ആരംഭിച്ചു. സിസിടിവി ദൃശ്യങ്ങള് ഉള്പ്പെടെ പൊലീസ് ശേഖരിക്കുകയാണ്.
